Les mots surlignés font l'objet d'une note
1Monseigneur, j’ay receu le votre du XXVIe du passé par laquelle m’escripvez que
2monsieur le prieur de Vignaux ne vous a poinct baillé d’acquet de l’argent qu’il m’a
3baillé pour votre regard. Je ne scay comme il a faict car je luy en ay baillé
4ung des IIIIxx livres qu’il m’a baillées et aussy de ce qu’il me bailla pour
5monsieur du Rousset. J’en ay baillé encores ung aultre à monsieur le
6maître Maniquet de la somme de C livres, que monsieur de Vennes me fist délivrer
7dernièrement. Je receuz à mon despart IIc livres qu’il vous pleu me faire
8deslivrer par Gillibert. J’ay mis par le menu tout l’extraordinaire que
9j’ay employé pour monsieur de Gargas. Je vous l’eusse envoyé comme
10je vous avois escript sans ce qu’il vous pleust m’escripre que vous
11vous contentiez que mondit sieur d’Evennes le veit. Si j’eusse sceu le
12despart du présent pourteur ung peu plus tost, je vous l’eusse envoier.
13Je ne fauldray à la première comodité. Quant à monsieur de
14Rousset, je m’asseure qu’il a receu toutes les parties qu’il luy
15fault pour ce regard et tous les acquietz de ce que j’ay receu
16de luy. Monsieur de Gargas et toute sa compaignie est en fort bonne
17santé.
18Monseigneur, je prie Dieu vous donner en santé longue et heureuse
19vye. De Paris, ce XXIIIIe décembre 1572.
20Votre très humble et très obéissant
21Serviteur
22Jean Besson